Woh humsafar tha

Woh humsafar tha magar us say humnawaayi na thi...
Keh dhoop chayon ka Alam raha judaai na thi...
Na apna ranj na auron ka dukh,na tera malai
Shab'e firaq kabhi hum nay yun ganwayi na thi....
Mohabbaton ka safar is tera bhi guzar tha
Shikasta dil thay musaafir shikasta paayi na thi....
Adawatain thin, taghafull tha,ranjishein thin magar...
Bicharhnein walay main sab kuch tha bewafaayi na thi....
Bicharhtay waqt un aankhon main thi humari ghazal...
Ghazal bhi woh jo kisi ko kbhi sunayi na thi....
Kabhi yeh haal keh dono main yakdili thi bohat...
Kabhi yeh marhala jaisay keh ashnayi na thi....
Ajeeb hoti hay rah'e sukhan bhi dekh Naseer...
Wahan bhi Aa gaya akhir jahan rasayi na thi...