Ho na jaya husan ki shan

Ho na jaya husan ki shan, May gustakhi kaheen____!!

Tum chalay jao k, Tumhay dekh k piyar ata hy____!!

badban khulne se pahle ka ishara dekhna

badban khulne se pahle ka ishara dekhna
main samandar dekhti hun tum kinara dekhna

yun bicharna bhi bahut asan na tha us se magar
jate jate us ka wo mur k dubara dekhna

kis shabahat ko liye aya hai darwaze pe chand
ai shab-e-hijran zara apna sitara dekhna

aine ki ankh hi kuch kam na thi mere liye
jane ab kya kya dikhayega tumhara dekhna

Khushbuu hai vo to chhuu ke badan ko guzar na jaaye

Khushbuu hai vo to chhuu ke badan ko guzar na jaaye
jab tak mere wajuud ke andar utar na jaaye

Khud phuul ne bhii honth kiye apane niim-vaa
chorii tamaam rang kii titalii ke sar na jaaye

is Khauf se vo saath nibhaane ke haq mein hai
khokar mujhe ye ladakii kahiin dukh se mar na jaaye

palkon ko us kii apane dupatte se ponch duun
kal ke safar mein aaj kii gard-e-safar na jaaye

main kis ke haath bhejuun use aaj kii duaa
qaasid havaa sitaaraa koii us ke ghar na jaaye

wo to khushbu hai hawaon main bikhar jayega

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega

tumhari nazron se lagta tha

tumhin the badle hue ya meri nigahen thin
tumhari nazron se lagta tha jaise meri bajaye
tumhare ghar main koi aur shakhs aya hai
tumhare ohad ki denen tumhen mubarak

so tum ne mera swagat usi tarah se kiya
jo afsaran-e-hukumat k aitaqad main hai
takallufan mere nazdik a k baith gaye
phir ehtamam se mausam ka zikr cher diya

kuch us k bad siyasat ki bat bhi nikli
adab par bhi koi do char tabsare faramaye
magar na tum ne hamesha ki tarah ye pucha
kya waqt kaisa guzarta hai tera jan-e-hayat

pahar din ki aziyat main kitni shiddat hai
ujar rat ki tanhai kya qayamat hai
shabon ki sust rawi ka tujhe bhi shikwa hai
gam-e-firaq k qisse nishat-e-wasl ka zikr
rawayatan hi sahi koi bat to karte

bat shanasai ki

ku-ba-ku phail gai bat shanasai ki
us ne khushbu ki tarah meri pazirai ki

kaise kah dun k mujhe chor diya hai us ne
bat to sach hai magar bat hai ruswai ki

wo kahin bhi gaya lauta to mere pas aya
bas yahi bat hai achi mere harjai ki

tera pahlu tere dil ki tarah abad rahe
tujh pe guzre na qayamat shab-e-tanhai ki

us ne jalti hui peshani pe jo hath rakha
ruh tak a gai tasir masihai ki

teri khushbu ka pata karti hai

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

khushboo mein likha chahta hai

harf e taaza naii khushboo mein likha chahta hai
baab ik aur mohabbat ka khula chahta hai

aik lamhay ki tawajoo nahi hasil uss ki
aur yeh dil keh ussay hud say siwa chahta hai

ik hijaab teh e iqrar hai ma'nay manay warna
gul ko maloom hai kaya dast e saba chahta hai

rait he rait hai iss dil mein musafir mairay
aur yeah sehra taira naqash e qaf e pa chahta hai

yehe khamooshi kai rung mein zahir ho gi
aur kuch roz keh woh shokh khula chahta hai

raat ko maan liya dil nay muqadar laykin
raat kay haath pay aab koi diya chahta hai

tairay paymanay mein gardish nahi baqi saqi
aur tairi bezam say aab koi utha chahta hai

hamare darmiyan aisa koi rishta nahin tha

hamare darmiyan aisa koi rishta nahin tha
tere shanon pe koi chat nahin thi

mere zimme koi angan nahin tha
koi wada teri zanjir-e-pa banane nahin paya

kisi iqrar ne meri kalai ko nahin thama
hawa-e-dasht ki manind
tu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha

magar jab aj tu ne
rasta badla
to kuch aisa laga mujh ko
k jaise tu ne mujh se bewafai ki

Hamne Kabhi Nahi chaha

Hamne Kabhi Nahi chaha__Ki Hame Ishq Ho..!!!

Par unki Ek Nazar__ne Hume__Nilaam Kar Diya…!!!

Sabab meri udasi ka

Sabab meri udasi ka wo pochain to kehna...

Tum yad aty ho mery sabar ki had sy kahin barh kar.

Woh Shakhs jab Se Mere

Woh Shakhs jab Se Mere, Ishq K
Nisaab May Hai..
Yeh jism-o-Rooh, Musalsal Azaab
May Hai. ....

Sulag Rahi hain na Jane Kis Aanch se

Sulag Rahi hain na Jane Kis Aanch se
Ankhen meri...??
Na Anso'oon ki talab hai na RatJago
ki Jalan...!!

Tera gharoor dekh k teri tamana

Tera gharoor dekh k teri tamana hi chor di humne

Zara hum bhi to dekhain kon chahta hai tujhy hamari trah 

hadse

Kuch aise hadse bhi zindagi mein hote hain

K insan bach to jata hai magar zinda nahi rehta

December Ki Barish mein

December Ki Barish mein
Beeghtay Pairoon Se Pocho
Akela pan Kia Hai
Tanhaayee kise Kehtay hain
Seh Pehr Ki Dhoop Ko Tarasna
aur Barish mai Beghtay Rehna
Jangle Ki Rahoon mai Akelay jana
Uss kay Garam Hathoon Ki Chaah Ko Tarasna
aur Barish mai Beeghtay Rehna
December Ki Barish mai
Lehr der lehr Mehakti Hawa Se Pocho
Khushboo Sa Khayal Rakhnay Walay Tanha Kaisey Rehtay Hain
Beeghtee Hain Jab Sard Ratein
December Ki Barish Se kaho
Kabhi Jangle Kay Uss Paar Milay
dhaltay hoon Shaam Kay Saaye
Tu Inn Ankhoon se Milay

Taron ko Muhabbt Amber sy

Upload MP3 and download MP3 using free MP3 hosting from Tindeck.

Khud se Batein

Khud-kalami Ajeeb hoti ha

Khud se Batein....aur aap ki Batein..

kaho aisa karogey tum?

Sadiyon se ik sapna hai
kaho pura karogey tum??
bhool jao mere siwa sab kuch
kaho aisa karogey tum??
nahe kuch or tamana ab
k bas mere hojao tum
kabhi na chor k jaogey
kaho aisa karogey tum??

faqat ik lafz sunney ko
kaey barson se tarsa hun
MUJHEY APNA BANA LO TUM
kaho aisa karogey tum???

Tum apnay laut aanay ka koi imkaan tou rakhtay

Agar hum se mohabbat thi....hamara maan tou rakhtay

Tum apnay laut aanay ka koi imkaan tou rakhtay....

KaHin To Koi hai Jo Sirf Mera hai

Bohat Khubsurat Weham Hai Mera....
KaHin To Koi hai Jo Sirf Mera hai...

TuM se Tumhi Tak

Meri ManZiL , Meri HaD . . .

TuM se Tumhi Tak . . . . !!

Tm to m0sm0n ka gila kr k ta'al daite ho

Tm sy kesy p0chy koi tmhari udasi ka sab'bab

Tm to m0sm0n ka gila kr k ta'al daite ho,,,,

lafz kitny han, teer kitny han

apny lehjy pe ghoar kr k btaa,,
lafz kitny han, teer kitny han??

تم مل جاتے

تم مل جاتے
پھر کھوجاتے
تو کچھ تیرا غم بھی ہوتا
ملے نہیں تو
کھونا کیسا
تیری یاد میں رونا کیسا!

Meri chahat ka samandar Teri soch se bi gehra hai

Teri nafrat me woh dam nahi jo meri chahat ko mita de MOHSIN,
Meri chahat ka samandar Teri soch se bi gehra hai…

Chalo Bus Ab Maan Jao Na

Chalo Bus Ab Maan Bhi Jao Na

Nahi Aata mujhe Fun Kisi ko Mananay Ka,
Faqat Itna hi Kehta Hon
“Chalo Bus Ab Maan Jao Na”

Tumharay Nazdeek Agar Meri Hansi Dilkash Hai,
To Main Muskura k Kehta Hon
“Chalo Bus Ab Maan Jao Na”

Agar Tum Dekhna Chaho Mere Aankh Mai Aansu,
Tou Mai Ro Ro k Kehta Hon
“Chalo Bus Ab Maan Jao Na”

Saza Dene Se Hoti hai Gar Tassalli Tumhary,
To Phir Mai Kaan Pakar K Kehta Hon
“Chalo Bus Ab Maan Jao Na”

Dekho Aise Kisi Se Roothna Acha Nahi Hota,
Ab Main Bohat Maan Se Kehta Hon
“Chalo Bus Ab Maan Jao Na”

Tum Gar Chaho k Mere Saans Bhi Na ho Baaki,
To Main Dam-e-Aakhir Kehta Hon
Chalo Bus Ab Maan Jao Na..

Dosra Tum se Kar Li,Teesra Toot Ke Kar Li

Yaad Haii Humko Humare Sabhi Gunnah Aik Mohabaat Kar Li,
Dosra Tum se Kar Li,Teesra Toot Ke Kar Li ...

Ek Nami Si Meri Deewar Me Aa Jati H

Ek Ghazal 'MEER' ki Parta Hai Parosi Mera,
Ek Nami Si Meri Deewar Me Aa Jati Hai

Wo Teri Yaad Thee Ab Yaad Aaya

Wo Teri Yaad Thee Ab Yaad Aaya

Din Guzara Tha Bari Mushkil Say
Phir Tera Wada-E-Shab Yaad Aaya

Tera Bhoola Howa Peman-E-Wafa
Mar jain Gy Agar Ab Yaad Aaya

Hal-E-Dil Hum Bhi Sunaty Lakin
Jab Wo Rukhsat Howa Tab Yaad Aaya

Beath Kr Saya-E-Gul Mein Nasir
Hum Buhat Roay Wo Jab Yaad Aaya...

Bichra Wo Is Ada Se K Rutt Hi Badal Gayi

"Rukhsat Hua To Meri Baat Maan Kar Gaya
Jo Us K Paas Tha Wo Mujhe Daan Kar Gaya

Bichra Wo Is Ada Se K Rutt Hi Badal Gayi
Ek Shakhs Saary Shehr Ko Weraan Kar Gaya

Dil-Chasp Waqia Hai K Kal Ek Aziz Dost
Apny Mafad Par Mujhe Qurban Kar Gaya

Kitni Sudhar Gayi Hai Judai Mein Zindagi
Wo Bewafai Kar K Mujh Par To Ehsaan Kar Gaya

Main Baat Baat Pe Kehta Tha Jisko JAAN ....
Wo Shakhs Aakhir Mujhe Be-Jaan Kar Gaya"

Kamray se bahir ka manzar Baadil Barish aur Hawa

Kamray se bahir ka manzar Baadil Barish aur Hawa.
Kamray k ander ka manzar Ankhein Aansoo aur Dua....

Wo Kehti hai Har waqt sochte kyu rehte ho

Wo poochti hai, main usse itna pyaar kyu karta hun?
Maine kaha, ek tamanna hai tumhe paane ki..

Wo Kehti hai har waqt udas kyu rehte ho?

Maine kaha, koshish hai tumhe har Khushi dilane ki..

Wo Kehti hai Har waqt sochte kyu rehte ho?
Maine Kaha, aadat ho gayi hai
tumhe khayalo mein apna banane ki..

Wo kehti hai main na mili toh ?
Maine kaha, toh tamannaa hai ye zindgi mitaney ki..

Wo Kehti hai tumhe kya milega mar kar?
Maine Kaha ek ummed,
Agley janam mein tumhe apna bananey ki.......!!

wohi hai door,bht door ! ! ! aasman ki trah

Qareebtar hai jo fikr-o-khayal main mere,
wohi hai door,bht door ! ! ! aasman ki trah......!!

Dukh Day Kar Sawaal Kartay ho

Dukh Day Kar Sawaal Kartay ho,
Tum Bhe GHAALiB ! Kamaal Kartay ho..

Daikh Kar Pooch Liyaa haal meraa,
Chalo Kuch tou Khayaal Kartay ho..

Shehar -e- Dil may Ye Udaasiyaan Kaisi ??
Ye Bhe mujh say Sawaal Kartay ho ???

Marnaa Chaahain tou mar nahe Saktay,
tum Bhe Jeenaa muhaal Kartay ho..

ab Kiss Kiss Ki misaal Doon tum Ko ?
her Sitam Bay-misaal Kartay ho . . .

Suna hai Din main Usey Titliyan satati hain

Suna hai Din main Usey Titliyan satati hain ............
Suna hai Raat main Jugnu thehar k dekhtay hain!!!

Dayaar e chashm mein wo intezaar ban ke raha

Kabhi gumaan,  kabhi aetebaar ban ke raha

Dayaar e chashm mein wo intezaar ban ke raha

Hazaar khaab meri milkiyat mein shamil the

MaiN tere ishq mein sarmaya daar ban ke raha

Tamaam umr  use chaahnaa na tha  mumkin

Kabhi kabhi to wo is dil pe baar ban ke raha

Usi ke naam karuN maiN tamaam ahd e khyal

Daroon e jaaN jo mere sog-waar ban ke raha

Agarche shahr meiN mamnu’ thi himaayat e khab

Magar yeh dil sabab e inteshaar ban ke raha

Hum Ko JunuN Kya Sikhlate Ho Ham

Hum Ko JunuN Kya Sikhlate Ho Ham The PareshaaN Tum Se Zeyaada

Chaak Kiye Hain Hamne Azizon Chaar GarebaaN Tum Se Zeyaada

Chaak-E-Jigar Muhtaaj-E-Rafoo Hai Aaj To Daaman Sirf Lahoo Hai

Ek Mausam Tha Ham Ko Raha Hai Shauq-E-BaharaaN Tum Se Zeyada

Jaao Tum Apani Baam Ki Khaatir Saari Lawen Sham’oN Ki Katar Lo

Zakhmon K Mehr-O-Mah Slamat Jashn-E-ChiraghaN Tum Se Zeyada

Ham Bhi Hameshaa Qatl Hue Aur Tum Ne Bhi Dekhaa Door Se Lekin

Ye Na Samjhe Hamko Huaa Hai Jaan Ka NuQsaaN Tum Se Zeyaada

Zanjir-O-Diwaar Hi Dekhi Tumne To ‘Majrooh’ Magar Ham

Koocha-Koocha Dekh Rahe Hain Aalam-E-ZandaaN Tum Se Zeyaada

KahiN khayaam lageN qarya E wisaal bhi aaye

KahiN khayaam lageN qarya E wisaal bhi aaye  

Shab e safar men koi sa’at E zawaal bhi aaye  

Kisi ufaQ  pe to ho ittesaal E zulmat O noor

K hum kharaab bhi hoN, aur vo khush khesaal bhi aaye

Sukhan mein kab se hai raushan! ye kya zaruri hai

K woh sitaara sar E matla’ E misaal bhi aaye  

Suna hai sair ko nikli hui hai mauj E nishaat  

Ajab nahi hai taraf E kucha E malaal bhi bhi aaye  

HameN ‘atiyya E tark E talab qubool na tha  

So hum to uski inayat pe khaak daal bhi aaye    

aqadr E paimaana E takhaiyyul

Baqadr E paimaana E takhaiyyul, suroor her dil mein hai khudi ka

Agar na ho ye farayb E paiham,  to dam nikal  jaye aadmi ka

Bas ek   ehsaas  E naa-rasaii, na josh us mein na hosh usko

JunuN pe haalat raboodgii ki, khirad pe aalam ghunoodgi ka

Hai rooh tarikiyoN mein hairaN, bhujha hua hai chiragh E manzil

Kahin sar E raah yeh musaafir paTak na de bojh zindagi ka

Khuda ki rahmat mein bhool baithuN yahi na manii hai iske waez

Wo  abr ka muntazir khaRa ho, makaan jalta hai jab kisi ka

Wo lakh jhukwa le sar ko mere, magar ye dil ab nahi jhuke ga

K kibreyaii se bhi zeyada ,mizaaj naazuk hai bandagii ka

‘Jamil’ hairat mein hai zamaana , mere taghazzul ki muflisi per

Na jazba E  ‘Ijtiba E Rizvi’, na  kaif  ‘Perwez Shahidi’ ka

Syed Kazim Ali ‘Jamil Mazhari‘

Chupke chupke raat din aaNsu bahaana yaad hai

Chupke chupke raat din aaNsu bahaana yaad hai 
Hum ko abtak aashiqi ka wo zamaana yaad hai

Ba-hazaraaN izteraab O sad hazaaraaN ishtiyaaq 
Tujh se wo pahle pehal, dil ka lagaana yaad hai

Baar baar uThna usi janib nigaah E shouq ka 
Aur tera ghurphe se wo, aankheN laRaana yaad hai

Tujh se kuch milte hi wo bebaak ho jana mera  
Aur tera danton men wo ungli dabaana yaad hai

KhaiNch lena wo mera parde ka kona daf’a-atan 
Aur dupatte se tera wo muNh chupaana yaad hai

Jaan kar sota tujhe woh qasd E pa-bosi mera 
Aur tera thukra k sar, wo muskuraana yaad hai

Tujhko jab tanha kabhi pana to az-raah-E-lehaaz 
Haal E dil batooN hi batoon men jataana yaad hai

Ghair ki nazroN se bach kar, sab ki marzi k khilaaf 
Wo tera chori chhupe ratoN ko aanaa yaad hai  

Aa gaya gar wasl ki shab bhi kahiN zikr E firaaq 
Woh tera ro ro k mujhko bhi rulaana yaad hai

Do-pahar ki dhoop meN mere bulane ke liye  
Woh tera koThe pe nange paoN aana yaad hai  

Aaj tak nazroN men hai wo sohbat E raz O neyaz 
Apna jaana yaad hai, tera bulaana yaad hai  

Mithi mithi cheR kar baateN niraali pyaar ki 
Zikr dushman ka wo batoN men uRaana yaad hai

Dekhna mujhko jo barghushta to sau sau naaz se 
Jab mana lena to phir, kud rooTh jaana yaad hai

Chori chori hum se tum aa kar mile the jis jagah 
MuddateiN guzriN par ab tak wo thikaana yaad hai

Shauq men menhdi k wo be-dast-o-pa hona tera  
Aur mera wo chheRna, wo gudgudana yaad hai  

Ba-wajood E iddaaye itteqa ‘Hasrat’ mujhe 
Aaj tak ahd E hawas ka wo fasaana yaad hai

By : Hasrat Mohani (From his book “Aansoo Bahaanaa Yaad Hai”)